Autori i sulmit të egër ndaj një gruaje që ndodhi në San Mauro Pascoli më 25 prill u arrestua në Milano të dielën e 19 majit.
Sipas mediave të huaja, bëhet fjalë për një pesëdhjetë e pesë vjeçar me kombësi shqiptare, për të cilin Prokuroria e Forlit kishte lëshuar një urdhër-arresti për keqtrajtim familjar dhe tentativë vrasjeje.
Ngjarja për të cilën u arrestua i dyshuari ndodhi pasditen e 25 prillit kur në pritje të daljes së vajzës së tij më të vogël nga shtëpia dhe i prekur nga xhelozia, 55-vjeçari goditi gruan e tij në kokë dhe fytyrë, duke u kujdesur gjithashtu për të rritur volumin e televizorit në maksimum për të mos u dëgjuar britmat. Viktima ka tentuar të rezistojë, por burri ka filluar ta kafshojë, duke i shkëputur me dhëmbë një pjesë të veshit dhe në fund ka tentuar ta mbysë. Gruaja, ndonëse e plagosur dhe tashmë thuajse e pavetëdijshme, gjithsesi arriti të çlirohej nga duart e të shoqit duke dalë nga shtëpia dhe duke kërkuar ndihmë nga banorët e tjerë. Kur policia e San Mauro Pascolit dhe Karabinierët ndërhynë me shpejtësi, burri u largua duke humbur gjurmët.
Hetimi nga karabinierët e San Mauro Pascoli filloi menjëherë, i koordinuar nga Prokuroria Publike në Gjykatën e Forlit, e cila dha rezultatet e dëshiruara pasditen e së dielës së kaluar, kur i arratisuri ndodhej në brendësi të Milanos.
Karabinierët e San Mauro Pascoli në bashkëpunim me kolegët e kompanisë Rho vendosën njerëz dhe automjete në terren, gjë që bëri të mundur gjurmimin dhe arrestimin e burrit në parkun e qytetit të Komunës Garbagnate Milanese.
Burri ka qenë në shoqërinë e disa bashkatdhetarëve, roli i të cilëve është duke u shqyrtuar nga Prokuroria Publike. Burri u dërgua në burgun “San Vittore” në Milano ku do të qëndrojë në dispozicion të organeve të drejtësisë.
LEXONI GJITHASHTU:
- Tragjedia në Shkodër, psikiatri: Dhuna, shkak për gjendjen e rënduar të nënës
- Dhuna në familje, në Elbasan rriten denoncimet e prindërve të dhunuar nga djemtë
