I kërkuar në Rusi, Gjykata e Shkodrës vendos ekstradimin e Igor Kokunov

Gjykata e Shkodrës ka vendosur ekstradimin e rusit Igor Kokunov, por avokati i tij ka kërkuar azil politik në Shqipëri me pretendimin se klientit të tij i rrezikohet jeta në Rusi.

Sipas avokatit të tij Igor Kokunov ka vetëm një vepër penale për të cilën dyshohet si kreu i një grupi kriminal, dispozitë që sipas avokatit nuk e njeh ligji shqiptar.

Avokati mes tjerash deklaroi se është kërkuar azil në Shqipëri për Kokunov për shkak se Rusia është një shtet i pasigurt dhe që shkel të drejtat e njeriut.

Njoftimi i policisë:

Gjykata e Shkodrës i jep dritën jeshile ekstradimit të shtetasit Rus Igor kokunov. Ai akuzohet për veprën penale të marrjes së detyrave në hierarkinë e lartë të strukturave kriminale në Rusi.

Mësohet se shkresa për ekstradim është firmosur nga zëvendës prokurori i përgjithshëm i Rusisë dhe jo nga prokurori apo ministri i Drejtësisë së Rusisë dhe kjo bie ndesh me Konventën Ndërkombëtare.

LEXONI GJITHASHTU:

• Serbia bleu pikturën me motive shqiptare/ Robert Aliaj: Ajo flet më shumë në Beograd
• Padia e Erion Veliajn ndaj Sali Berishës, GJKKO shpall vendimin