Serbia bleu pikturën me motive shqiptare/ Robert Aliaj: Ajo flet më shumë në Beograd

Artisti Robert Aliaj ishte këtë të martë i ftuar në një lidhje direkte për Euronews Albania për të folur rreth pikturës me motive shqiptare të blerë nga Serbia.

Vepra e titullar “Pushimet e Bashibozukut” e realizuar nga artisti malazez Paja Jovanoviç në vitin 1858 është blerë nga autoritet e Beogradit në një ankand në Londër për shumën 350 mijë euro.

Robert Aliaj tha se kjo nuk përbën asnjë dramë, pasi është një vepër për të cilën ne nuk kemi asnjë të drejtë, madje ai tha se ajo vepër flet më shumë në  Beograd.

“Nuk është kjo drama që mund të ndodh, pasi ne nuk kishim asnjë të drejtë. Madje ajo flet më shumë në Beograd se ka vlera etnografike shqiptare dhe ekzistence, që u thotë atyre “ore idiotë, ne jemi aty sepse po e konfirmoni ju vetë”, pra është më e bukur aty ku është se sa ta marrim e ta izolojmë.

I gjithë ky diskurs i izolimit, për të qenë kundër serb, për këtë arsye, mua më duket kundra-shqiptare. Më vjen keq që jam kaq i ashpër kundër Serbisë në duhet të jemi me argumente të tjerë. duke mbështetur Albin Kurtin, duke mbështetur kosovarët në gjithë atë luftë që po bëhet aty, jo duke mbështetur këtë gjë”,-tha Robert Aliaj.

LEXONI GJITHASHTU:

• Serbia blen pikturën me motive shqiptare, bëhet pjesë e Muzeut të Beogradit
• Kërkoi masë më të butë sigurie, GJKKO vendos për ish-kryebashkiakun Safet Gjici