I kërkuar nga SPAK për pastrim parash, arrestohet në Gjermani 30-vjeçari (EMRI)

Është arrestuar në Gjermani 30 vjeçari i shpallur në kërkim ndërkombëtar Silvester Driza. Policia bën me dije se i riu është arrestuar në  Freiburg, Gjermani, në kuadër të operacionit policor të koduar “Freiburg” të zhvilluar nga policia gjermane në bashkëpunim me Interpol Tiranën.

Gjykata e Posaçme kundër Korrupsionit dhe Krimit të Organizuar, Tiranë, i ka caktuar këtij shtetasi masën e sigurisë “Arrest në burg”, për veprën penale “Pastrimi i produkteve të veprës penale ose të veprimtarisë kriminale”.

30-vjeçari dyshohet se në vitin 2017 ka themeluar një shoqëri fiktive me fushë veprimtarie trajtimin e integruar të inerteve dhe ka lëshuar fatura me çmime të larta, deri në fund të vitit 2018, kur i është miratuar leja ligjore për të kryer ketë veprimtari.

Interpol Tirana, në bashkëpunim me Interpol Wiesbaden/Gjermani, vijon procedurat për ekstradimin e këtij shtetasi, drejt vendit tonë.

LEXONI GJITHASHTU: 

• “Stomatologji, ekonomi, dhe IT”, degët e preferuara të studentëve në universitete
• “Mos ik” nga Kosova, thirrja e artistit për të mos braktisur vendin