I nxehti ekstrem godet Brazilin, thyhet rekordi i temperaturës më të lartë

Brazili ka regjistruar temperaturën e tij më të nxehtë të regjistruar ndonjëherë, 44.8 gradë celcius.

Rekordi u godit të dielën në qytetin Araçuaí, në shtetin juglindor të Brazilit Minas Gerais.

Moti i paprecedentë i është atribuar fenomenit El Niño dhe ndryshimeve klimatike.

Parashikuesit thonë se një pjesë e nxehtësisë ka të ngjarë të zbutet këtë javë.

Sipas Institutit Kombëtar të Meteorologjisë (Inmet), vetëm tre kryeqytete shtetërore do të shohin temperatura që i afrohen 40 gradë Celsius, raportoi CNN Brasil.

Agjencia qeveritare tha se temperatuara e regjistruar në Araçuaí prej 44.8C mposhti rekordin e mëparshëm të vendit prej 44.7C, i matur në vitin 2005.

Vapa ka shkaktuar alarme të kuqe në të gjithë vendin, një muaj para fillimit të verës në hemisferën jugore.

Konsumi i energjisë në Brazil është rritur në nivele rekord pasi njerëzit përpiqen të qëndrojnë në ambiente të mbyllura me ajër të kondicionuar.

Temperaturat e larta bënë që Taylor Sëift të anulonte një nga koncertet e saj në Rio de Zhaneiro pasi një fanse u sëmur dhe vdiq para një shfaqjeje të premten.

Sipas organizatorëve, 23-vjeçarja Ana Clara Benevides Machado kishte kërkuar ndihmë në stadium pasi nuk ishte ndjerë mirë. Ajo u transferua në spital, por ndërroi një orë më vonë.

LEXONI GJITHASHTU:

• Viti 2023 mund të jetë më i nxehti në histori
• Vjeshta e nxehtë e Evropës, temperaturat deri në 4 gradë mbi mesataren sezonale