I riu me “BMW” humbi jetën pas aksidentit, arrestohet shoferi i “AUDI”-it

Mbrëmjen e së mërkurës ndodhi një aksident i rëndë në  aksin rrugor “Korçë-Pogradec”, tek vendi i quajtur “Lapidari”, në afersi të fshatit Podgorie.

Një automjet tip “BMW” u përplas me një “Audi” ku për pasojë humbi jetën në vendin e ngjarjes shofer i mjetit “BMW”, 28-vjeçari pogradecar, Aurel Çipi.

Ai mbeti i bllokuar brenda mjetit të tij, teksa shërbimit zjarrfikës të Maliqit, iu deshën mbi një orë për ta nxjerrë trupin nga makina.

Sektori i Policisë Rrugore arrestoi këtë të enjte shoferin K. L., 29 vjeç, banues në Maliq i cili mbeti i plagosur dhe aktualisht ndodhet nën kujdesin e mjekëve, jashtë rrezikut për jetën.

LEXONI GJITHASHTU:

• Aksident tragjik në aksin Maliq-Pogradec: Një i vdekur dhe një i plagosur
• Vdekja e të miturit nga arresti kardiak, reagon spitali i Korçës: Trajtimi që i bëmë