I riu plagos me thikë 45-vjeçarin në Mallakastër, shpallet në kërkim nga policia

Një 26-vjeçar në Mallakastër është shpallur në kërkim si autor i dyshuar i plagosjes me thikë të një 45-vjeçari.

Sipas burimeve policore, ngjarja ka ndodhur pas një sherri për motive banale ku i riu, M.B., dyshohet se pas një debati verbal me 45-vjeçarin, e ka goditur atë me thikë, duke i shkaktuar dëmtime të lehta.

I plagosuri mori ndihmën e parë në spital dhe më pas është larguar drejt banesës, pasi gjendja e tij shëndetësore nuk paraqiste rrezik për jetën.

Ndërkohë, autori i dyshuar është shpallur në kërkim nga policia.

Njoftimi i Policisë së Mallakastrës:

“Specialistët për Hetimin e Krimeve të Komisariatit të Policisë Mallakastër shpallën në kërkim shtetasin M.B., 26 vjeç, pasi dyshohet se për motive të dobëta, ka dëmtuar lehtë, me mjet prerës, një shtetas 45 vjeç, i cili pasi mori mjekim në spital, u largua në banesë. Punohet për kapjen e 26-vjeçarit.”

LEXONI GJITHASHTU:

• Përmbyset automjeti në Shkodër, pasagjeri sillet me helikopter te “Trauma” në Tiranë
• “Ka vdekur, mos e kërkoni”- Detaje nga gjetja e trupit të 30-vjeçarit në Spanjë