I riu shqiptar rrëfen sukesin si komedian në SHBA: Shisja bileta në një klub dhe…

Edmond Çami, një komedian shqiptar në SHBA, ka rrëfyer në emisionin Real People në Euronews Albania rrugëtimin e tij në skenat amerikane.

Edmondi tha se në moshën 9-vjeçare ai u zhvendos së bashku me familjen në SHBA pasi fituan lotarinë amerikane.

Ai tha se rruga drejt komedisë nisi rastësisht teksa punonte si shitës biletash në një klub komedie në SHBA.

I riu tha se pasi bëri një kurs për koemdi iu dha shansi të fillonte në klubin ku shiste bileta më parë.

“Shqipen e di por nuk e di aq mirë sa di anglishten. Nuk e kam provuar të bëjë batuta në shqip, këtë vit qëllimi është të krijoj një komedi në shqip.

Në SHBA-shkova 9-vjeç, babai im fitoi lotarinë dhe ikëm. Kam kushërinj nga Pogradeci dhe Korça në Amerikë.

Pjesa e komedisë është e lindur. Fillova të shisja bileta në një klub komedie dhe aty marrin komedian çdo javë. Shisja bileta dhe shikoja komedinë dhe një nga menaxherët tha se do fillonte një kurs si të bëhesh komedian. Fillova kursin, në fillim më pëlqente shumë por nuk ishte aq kollaj. Komedianët që shihja unë kishin 20-vite në skenë.

Gjatë kursit isha shumë nervoz, zgjati 3 muaj. Pas kursit ai më lejoi të bëja një shfaqje 3 minuta. Në ato 3 minuta dy herë qeshën njerëzit. Në Amerikë duhet që çdo 15 sekonda duhet të bësh njerëzit për të qeshur në një stand-up komedy. Po nuk i bëre për t’i qeshur shikuesit nxjerrin telefonat dhe nuk të ndjekin. Për mua ishte sukses sepse qeshën, por vazhdova sërish kursin”, tha Edmondi.

LEXO GJITHASHTU:

• Komediani në SHBA: Marrë ide nga Shqipëria, blerjen e votave dua ta vë në skenë 
• I riu shqiptar që korr sukses në SHBA: Vajzat afrohen kur je DJ, e jo komedian