I rrëmbejnë gruan dhe djalin e mitur, futbollisti fshihet nën shtrat

Një ngjarje e rëndë ka ndodhur në Ekuador, ku futbollisti i Emelec,Jackson Rodriguez, ka raportuar se persona të maskuar kanë rrëmbyer gruan dhe djalin e tij 5-vjeçar në shtëpinë e tij në Guayaquil.

Rrëmbimi ka ndodhur rreth orës 3 të mëngjesit të 23 prillit, në qytetin bregdetar të Guayaquilit ndërsa vetë futbollisti ishte futur nën një shtrat.

Kriminelët, që fillimisht vodhën bizhuteri dhe sende të tjera me vlerë pyetën gruan e tij nëse futbollisti ndodhej aty.

Sipas policisë, Rodriguez ka parë nga dritarja të dyshuarit që po largoheshin me një kamionçinë gri, duke marrë me vete gruan dhe djalin e tij.

Shefi i policisë, Edison Rodriguez, konfirmoi ngjarjen dhe theksoi se gjatë muajve të fundit Ekuadori ka kaluar një valë të dhunës, duke shpallur gjithashtu gjendje të jashtëzakonshme.

Ky rrëmbim është një shembull i rasteve të ngjashme që janë shpeshtuar në Ekuador, ku futbollistët janë bërë objekt i rrëmbimeve për kërkesa dëmshpërblimi.

Një ngjarje e ngjashme ndodhi në dhjetor të vitit të kaluar, kur futbollisti Pedro Perlaza u rrëmbye në qytetin Esmeraldas dhe u gjet pas disa ditësh.

🔴 Un grupo de delincuentes irrumpió en la casa del jugador Jackson Rodríguez, de #Emelec, y secuestraron a su esposa e hijo de cinco años.@YTALORUIZ con el reporte 🎙.

Más detalles 👉 https://t.co/mOV1o6rxWP pic.twitter.com/a5OhzTCDpL

— Ecuavisa Noticias (@EcuavisaInforma) April 24, 2025

LEXONI GJITHASHTU:

• “Më telefonoi nga burgu i Ekuadorit”, Artan Hoxha: Si e intervistova Dritan Rexhepin
• Dalin pamjet e sulmit në arenën e gjelave në Ekuador, 12 të vdekur e 4 të arrestuar