I shpallur në kërkim për drogë, arrestohet 30-vjeçari në Elbasan

Një 30-vjeçar i shpallur në kërkim është arrestuar nga policia e Korçës për një ngjarje të vitit 2021. Gjykata e Elbasanit i ka caktuar 30-vjeçarit masën e sigurisë “Arrest në burg, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe municionit”.

Në një rast të goditur nga shërbimet e Policisë, në shtator të vitit 2021, u konstatua se shtetasi D. B., në bashkëpunim me një shtetas tjetër, mbante sasi lënde narkotike kanabis, të ndarë në doza, të gatshme për shitje dhe sasi municioni luftarak.

Materialet në ngarkim të tij i kaluan prokurorisë së Elbasanit për veprime të mëtejshme.

“Shërbimet e Forcës së Posaçme Operacionale të DVP Elbasan, ato të Komisariatit të Policisë Elbasan dhe specialistët e Seksionit për Hetimin e Trafiqeve dhe Narkotikëve, si rezultat i punës hetimore dhe operacionale për lokalizimin dhe kapjen e shtetasve të shpallur në kërkim, me mbështetjen e inteligjencës informative, kanë kapur në Cërrik, Elbasan dhe kanë ndaluar shtetasin D. B., 30 vjeç, banues në fshatin Valas, Elbasan”, thuhet në njoftimin e policisë.

LEXO GJITHASHTU:

• “Nuk kam lidhje me ngjarjen”| GJKKO lë në burg Ramazan Rrajën, akuza që i shtohet
• VIDEO| Ishin për iftar, si ranë në rrjetën e policisë “Xon Rraja” dhe “Çupja”
• U arrestua me Rrajën, “Çupja” kërcënoi biznesmenin për tenderin 1 mln euro