I shpallur në kërkim për shitje të lëndëve narkotike, arrestohet 36-vjeçari (Emri)

Një 36-vjeçar i cili ishte shpallur më herët në kërkim për prodhimin dhe shitjen e lëndëve narkotike, u arrestuar këtë të premte nga policia e Elbasanit.

Klaudio Trungu është dënuar Gjykata e Rrethit Gjyqësor Elbasan me 5 vjet burgim, nga të cilat i kanë mbetur për të kryer 1 vit e 28 ditë.

Njoftimi i policisë

Kapet dhe ndalohet një 36-vjeçar i shpallur në kërkim për veprën penale “Prodhimi dhe shitja e narkotikëve”.

Në zbatim të planit të masave, të hartuar në kuadër të megaoperacionit mbarëkombëtar “Sundimi i ligjit”, për kapjen e shtetasve të shpallur në kërkim, si dhe bazuar në informacionet e siguruara nga inteligjenca policore, specialistët për Hetimin e Narkotikëve, në bashkëpunim me shërbimet e Komisariatit të Policisë Elbasan, kanë kapur dhe ndaluar shtetasin Klaudio Trungu, 36 vjeç, banues në Elbasan.

Gjykata e Rrethit Gjyqësor Elbasan, me vendimin e datës 13.09.2022, e ka dënuar këtë shtetas, me 5 vjet burgim, nga të cilat i kanë mbetur për të kryer 1 vit e 28 ditë, për veprën penale “Prodhimi dhe shitja e narkotikëve”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Gjykata në Britaninë e Madhe merr vendimin për Julian Assange
• Gjykata shtyn ekzekutimin e vendimit për gjobën ndaj ish-presidentit Trump