I shpërthyen zyrën me tritol, flet noterja në Tiranë: Çfarë dyshoj

Esmeralda Dauti është noterja në Tiranë, ambientet e zyrës të së cilës shpërtheu një sasi lënde plasëse në orët e para të mëngjesit të së martës.

Shpërthim me tritol ndodhi në zonën e ish-Bllokut rreth orës 04:00. Lënda eksplozive ishte vendosur jashtë derës së zyrës së noterisë.

Në deklarimet e dhëna në polici, mësohet që noterja të jetë shprehur se nuk ka konflikte të mëparshme me asnjë person. Burime për Euronews Albania bëjnë me dije se Dauti ka theksuar se dyshon se sulmi mund të jetë kryer për shkak të profesionit dhe aktivitetit të saj si notere.

Dyshohet se sasia e lëndës plasëse të jetë 50 deri në 100 gramë tritol me fitil dhe si pasojë e shpërthimit u dëmtua dhe një automjet i parkuar aty pranë, si dhe një biznes ngjitur me noterinë.

Policia ka sekuestruar kamerat për të bërë të mundur identifikiimin e autorëve, por ende nuk ka asnjë person të dyshuar.

Grupi hetimor dhe policia po vijojnë punën për zbardhjen e plotë të rrethanave të rastit.

LEXONI GJITHASHTU:

• Kush është noterja që i vendosën tritol në zyrën e saj në ish-Bllok
• Shpërthim tritoli në një zyrë noterie në Tiranë, informacionet e para
• “E ke tritol”-Kurthi i agjentëve për shitësit e drogës në Tiranë, u hoqën si blerës