“I thoja Lulit ndahu nga ata dy”, Rama: Berisha e Meta janë mallkim i këtij vendi

Kryeministri Edi Rama nuk ka kursyer as ditën e sotme akuzat ndaj opozitës.

Në fjalën e tij në Vlorë, ai tha se për fatkeqësinë e madhe të këtij vendi Sali Berisha dhe Ilir Meta janë ende aktivë në politikën shqiptare, ndërsa Lulzim Basha jo.

Më tej Rama tha se Lulzim Basha s’ka qenë asnjëherë në krye të PD-së, duke shtuar se pas tij ka qenë Sali Berisha

“E kujtoni kur thosha ‘Luli ndahu nga ata të dy’. Luli s’është më, ata të dy janë. Për fatkeqësinë e madhe të këtij vendi ata janë vazhdim i mallkimit që ka nisur kur këtu në Vlorë ka nisur shteti shqiptar që nga 1912. Nuk ka pasur Lul ndonjëherë. As Luli vetë nuk e beson se ka pasur Lul ndonjëherë”, tha Rama.

LEXONI GJITHASHTU: 

• Luan Baçi: Protesta tregon se Edi Rama është minorancë
• Lorenc Vangjeli: Arsyet pse Edi Rama është njeriu më i trembur nga reforma