“I vetmi fitues lista Srpska”, deputeti i PS: Shqiptarët nuk prodhuan alternativë

Deputeti i Partisë Socialiste Ardit Bido komentoi në emisionin Now në Euronews Albania rezultatin e zgjedhjeve lokale në Kosovës.

Sipas Bidos, i vetmi fitues në këto zgjedhje ndërsa partitë e shqiptarëve të Kosovës treguan se nuk ishin të aftë të sillnin një alternativë përballë Listës serbe duke bërë që Beogradi të rikthehet në të 4 komunat me shumicë serbe,

“Fatkeqësisht i vetmi fitues i dukshëm në këto zgjedhje është Lista Srpska. I vetmi subjekt politik që ka dominuar të gjithë hapësirën e elektoratit dhe kjo tregon keq për ne, nuk është çështje e kandidatëve shqiptarë, problemi është që në 4 vite që u bë një ndërhyrje radikalë në veri të Kosovës nuk u arrit të prodhohej një alternativë ndaj Listës Srpska. Nuk është arritur në këto 4 vite që të valorizohen ato parti opozitare serbe që njohim pavarësinë e Kosovës, që do të thotë gjithë operacioni i kryer në veri është një gjë e përkohshme që nuk shenjon gjatë. Beogradi është rikthyer në të 10 komunat me shumicë serbe”, tha Bido.

LEXONI GJITHASHTU:

• Zgjedhjet lokale në Kosovë, Lista Serbe fiton 9 komuna në raundin e parë
• Kosovë/ Reagon Kurti: Ajo që ndodhi në Mitrovicë me zgjedhjet duhet të hetohet