I vuri flakën një lokali në Tiranë, arrestohet 29-vjeçari, në kërkim porositësi

Policia e Tiranës ka arrestuar një 29-vjeçar i cili kishte hedhur lëndë djegëse në tarracën e një lokali ku për pasojë u dogjën panalet diellore dhe disa pajisje të ndryshme të lokalit.

Në pranga ka rënë shtetasi K. B., 29 vjeç, dhe u shpall në kërkim shtetasi R. B., 24 vjeç, i cili kishte paguar autorin e zjarrvënies, për të djegur lokalin.

“Shtetasi K. B., më datë 12.10.2023, ka hedhur lëndë djegëse në tarracën e një lokali në rrugën “Gjin Bue Shpata”, dhe si pasojë janë djegur panelet diellore dhe disa pajisje të lokalit. Nga veprimet hetimore të kryera, ka rezultuar se ky shtetas është paguar nga shtetasi R. B., me shumën 20 000 lekë të rinj, për kryerjen e këtij krimi”, tha policia.

Në cilësinë e provës materiale u sekuestruan veshje të cilat autori i zjarrvënies, ka pasur veshur gjatë kryerjes së krimit, si dhe disa targa automjetesh të shtetësive të ndryshme, të gjetura gjatë kontrollit të banesës së tij.

Punohet për kapjen e shtetasit R. B., si dhe të personave të tjerë të implikuar në këtë veprimtari kriminale.

LEXONI GJITHASHTU:

• Zjarr në kabllot e energjisë, flakët rrezikojnë pallatin e banuar në Gjirokastër
• Ndotja nga zjarret në Maliq, tymi rrezikon jetën e 2400 banorëve