Zjarr në kabllot e energjisë, flakët rrezikojnë pallatin e banuar në Gjirokastër

Një zjarr i shkaktuar nga kabllot e energjisë elektrike ka rrezikuar të përfshijë një pallat banimi në qytetin e Gjirokastrës ndërsa flakët kërcënuan jetën e banorëve. Ngjarja u regjistrua mbrëmjen e sotme, rreth orës 20.00, në një pallat në lagjen ” Granicë”.

Mbingarkesa në rrjetin e energjisë shkaktoi lindjen e zjarrit në kabinën elektrike të pallatit, e cila u përfshi nga flakët. Tymi dhe bloza shkaktuan frikë dhe panik tek banorët që braktisën apartamentet duke u grumbulluar në sheshin në hyrje të pallatit.

Ndërhyrja në kohë e Shërbimit Zjarrfikës dhe punonjësve të OSHEE bëri të mundur lokalizimin, shuarjen e zjarrit si dhe evitoi përhapjen e flakëve në brendësi të pallatit.

LEXONI GJITHASHTU:

• Human Rights Watch thirrje Izraelit: Ndalni përdorimin e fosforit të bardhë në Gazë
• Shpërthime në një xhami në Afganistan, shënohen dhjetëra viktima