Policia ka identifikuar gruan që u gjet e mbytur 1 ditë më parë në breg të liqenit të Fierzës.
Përmes një njoftimi për mediat policia e Kukësit bëri me dije se bëhet fjalë për shtetasen Elda Arapi, 30 vjeçe, banuese në Pojan, Korçë.
“Në vijim të informacionit të dhënë ditën e djeshme, për një shtetase që u konstatua e pajetë në vendin e quajtur “Shtrazë”, në bregun e liqenit të Fierzës, ju informojmë se u bë i mundur identifikimi i shtetases E. A., 30 vjeçe, banuese në Pojan, Korçë”, bëri me dije policia.
Nga këqyrja e trupit të pajetë nuk janë konstatuar shenja dhune dhe policia dyshon se kjo shtetase mund të jetë vetëmbytur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës.
LEXONI GJITHASHTU:
- Braktisi Amerikën për Shqipërinë Maya: Jam dashuruar me Kukësin
- Gjendet e mbytur në liqenin e Kukësit 35-vjeçarja