Identifikohet bariu që vdiq nga përplasja e dy mjeteve, punonte në stanin aty pranë

Është identifikuar bariu i cili ndërroi jetën si pasojë e daljes nga rruga të një mjeti që u përfshi një aksident në aksin Gjirokastër-Kakavijë.

Ai është 60-vjeçari Vasil Gega, i punësuar në një stan afër fshatit të Jorgucatit, në vendin kur kthehesh në rrugën e vjetër të lidh me Sarandën.

Bariu ndodhej anës rrugës në momentin që u përplas nga një mjet tip Nissan, me drejtues shtetasin me inicialet T.G.

Mjeti tip Nissan dhe një furgon u përplasën në autastradë duke bërë që të dy të përfundonin në fushën anës rrugë.

Fatkeqësisht goditja ka qenë fatale për bariun 60-vjeçar, ndërkohë që u plagosën gjithashtu dhe 2 pasagjerë.

Ata janë dërguar në spitalin e Gjirokastrës dhe po marrin kujdesin e nevojshëm mjekësor, jashtë rrezikut për jetën.

Grupi hetimor dhe policia ndodhen në vendngjarje dhe po punojnë për zbardhjen e plotë të rrethanave të aksidentit.

LEXONI GJITHASHTU:

• Sherr me bashkëfshatarin për pronën, 53-vjeçari rrëmben pushkën dhe hap zjarr
• Makinat “fluturojnë” jashtë rruge pas përplasjes, vdes bariu që po kulloste bagëtitë