IKMT shemb objekti pa leje buzë detit në Radhimë

IKMT, me mbështetjen e Policisë, ka nisur sot një aksion për prishjen e një objekti të ndërtuar pa leje buzë detit në Radhimë.

Ndërhyrja ka ndodhur në mes të ditës, në kulmin e sezonit turistik, duke shkaktuar habi dhe shqetësim tek dhjetëra pushues që ndodheshin në plazh në atë moment.

Të pranishmit janë shprehur të befasuar pse veprime të tilla kryhen pikërisht në këtë periudhë, kur zona është e mbushur me turistë.

Autoritetet theksojnë se objekti ishte i paligjshëm dhe kishte marrë më parë njoftim për prishje, ndërsa operacioni është pjesë e aksionit për lirimin e hapësirave publike nga ndërtimet pa leje në vijën bregdetare.

LEXONI GJITHASHTU:

• Përfshihet nga flakët një pallat në Radhimë, evakuohen banorët
• Ndërtoi pa leje në vijën bregdetare në Radhimë, arrestohet 46-vjeçari