Ilaçi Remdesivir nuk rekomandohet për pacientët me COVID-19

Ekspertë të OBSH-së shprehen se ilaçi Remdesivir nuk rekomandohet për pacientët të cilët trajtohen nga COVID-19.

Ditën e sotme është bërë publik lajmi nga Organizata Botërore e Shëndetësisë e cila ka publikuar një rekomandim kundër përdorimit të ilaçit Remdesivir për pacientët e shtruar në spital,  pavarësisht nga përkeqësimi i gjendjes shëndetësore të tyre, duke u shprehur se provat kanë treguar që ilaçi nuk ka efekt në përmirësimin e gjendjes shëndetësore të pacientit.

Udhëzimet erdhën në bashkëpunim me Fondacionin jofitimprurës Magic Evidence Ecosystem, i cili siguroi mbështetje metodologjike.

Ky rekomandim u përgatit nga një grup i cili përfshin 28 ekspertë të kujdesit klinik, 4 partnerë me pacientë dhe një etikist.

Puna nisi më datë 15 tetor të këtij viti, dhe më 20 nëntor u bë publik në website-n zyrtar të OBSH-së.

U morën të dhënat e mbi 7000 pacientëve në 4 prova. Provat treguan se s’ka asnjë efekt në uljen e vdekshmërisë, në uljen e nevojës për ventilim, në përmirësimin klinik të pacientit.

Lexoni gjithashtu:

Shanset e Shqipërisë për të marrë vaksinën anti-Covid, flet ministrja Manastirliu

Këtë javë hapet COVID-3, Rama: Stafet rezervë janë rekrutuar, trajnuar dhe janë në gatishmëri