Ilir Alimehmeti: U mbyll spitali i Tepelenës se nuk ka mjekë specialistë

Mjeku Ilir Alimehmeti tha në një intervistë për “Now me Erla Mëhillin” në Euronews Albania se spitali i Tepelenës u mbyll për shkak të mungesës së mjekëve specialistë.

Ai komentoi ligjin për qëndrimin 5 vite në Shqipëri pas diplomimit të studentëve të mjekësisë, ndërsa tha se ky ligj prek vetëm mjekët e përgjithshëm, ndërkohë nëpër spitale duhen mjekë specialistë, jo të përgjithshëm.

“Sikur me 400 veta vit për vit të prodhojmë ne, të qëndrojnë këta 400, asnjë mos të ikë, asnjë mos të lërë punën, asnjë mos ta gjejë largqoftë ndonjë fatkeqësi, e të tjera me radhë, ne na duhen 15-20 vjet, pasi të fillojnë të diplomohen, pra 21-26 vjet që të arrijnë të plotësojnë nevojën dhe mos të dalë asnjë në pension, mos të vdesë askush, mos ta lërë njeri punën, mos të punojë njeri në administratë, mos të merret asnjë mjek me politikë, asgjë fare,” – u shpreh Alimehmeti.

LEXONI GJITHASHTU:

• Izraeli publikon videon: Raketat mbi spital u lëshuan nga Rripi i Gazës
• Joe Biden në Izrael: Sulmi në spital duket si i bërë nga skuadra tjetër