Ilir Babaramo: Kjo është e vetmja skemë që mund ta çojë PD-në drejt fitores

Gazetari Ilir Babaramo është shprehur se opozita nuk ka kandidat për zgjedhjet lokale të vitit 2023.

I ftuar në emisionin “Now” në Euroneës Albania, ai theksoi se opozita duhet të gjejë kandidat që janë përfaqësues të kominitetit e jo njerëz që janë pjesë e politikës.

“Opozita nuk ka njerëz për të kandiduar. Unë besoj se opozita duhet të gjejë me urgjencë  kandidatë që janë jo politikë, njerëzit më përfaqësues të komunitetit. Duhet të shfrytëzojnë këtë lodhje që kanë qytetarët nga kjo shumicë qeverisëse, të gjithë konjukturën aktuale për të zgjedhur individët, për të zgjedhur kandidatët”- tha ai.

Emrat më të përfolur nga e djatha si kandidatë të mundshëm për Bashkinë e Tiranës, janë deputeti demokrat, Belind Këlliçi, Ilir Alimehmeti, Fatbardh Kadilli dhe Gert Bogdani.

Ndërkohë ditën e djeshme, aktori, njëherësh anëtari i Këshillit Kombëtar të Partisë Demokratike, Julian Deda është shprehur i gatshëm të kandidojë përballë Erion Veliajt për Bashkinë e Tiranës, nëse do e vendosin demokratët.

LEXONI GJITHASHTU: 

• Andi Bushati: Pse është i pamundur bashkimi i PD-së
• Nënkryetari i PD-së tregon prapaskenat e bashkimit: Çfarë po ndodh