Imamaj: Putin e menaxhoi shumë mirë “Grushtin e Shtetit”, nuk pati gjakderdhje

Eksperti Vilson Imamaj, ka komentuar situatën e tensionuar në Rusi ku një rebelim ushtarak nisi kundër Kremlinit gjatë natës së të premtes me autokolonën e forcave të armatosur që pretendoi se ka marrë 2 baza të armatosura të rëndësishme në Rusi, por që zgjati vetëm 24 orë.

Në një intervistë për Euronews Albania, ai theksoi se presidenti rus Vladimir Putin e menaxhoi shumë mirë situatën e një ‘Grushti Shteti”, duke mos shkaktuar gjakderdhje.

“Për herë të parë u trondit autoriteti i Putin. Ndodhi si vitet ’90 ku ndodhën disa ndërhyrje në Çeçen. Putin këtë herë veproi me një gjakftohtësi. Priti për të parë se çfarë do ndodh, duke marrë informacione nga rrethi më i ngushtë i ministrave dhe më pas foli. Rusia Wagner e ka përdorur dhe e ka lavdëruar njëkohësisht, por mos të harrojmë se 50 mijë ushtarë të Wagner kanë dhe përplasje. Putin përdori një strategji shumë të zgjuar sepse këtë “Grushtin e Shtetit” e ndaloi pas asnjë gjakderdhje”- tha ai.

LEXONI GJITHASHTU: 

• Luftë skafeve në plazhe, bllokohen 11 mjete lundruese në vend, gjobiten pronarët
• Sheholli: Presioni i SHBA dhe BE ndaj Kosovës i padrejtë