Imazhet satelitore, baza ajrore ruse në Krime e dëmtuar rëndë

Imazhet satelitore tregojnë dëme të mëdha dhe disa avionë luftarakë të shkatërruar në bazë ajrore ruse në Krime pas shpërthimeve të disa ditëve më parë.

Baza e Saky në perëndim të Krimesë së aneksuar nga Rusia u trondit nga disa shpërthime, nga të cilat mbeti i vdekur një person dhe u plagosën disa të tjerë, shkruan BBC.

Ukraina nuk e ka marrë përgjegjësinë, por këto prova të reja sugjerojnë mundësinë që sulmi ishte i planifikuar.

Imazhet, nga Planet Labs me bazë në SHBA, tregojnë sipërfaqe të mëdha toke, të djegura nga shpërthimet.

Pistat kryesore të bazës duket se janë të paprekura, por të paktën tetë avionë duket janë dëmtuar dhe shkatërruar, me disa kratere të dukshme.