Imazhi i parë i vrimës së zezë gjigante në qendër të galaktikës sonë

Kjo është vrima e zezë gjigante që jeton në qendër të galaktikës sonë, e fotografuar për herë të parë.

Imazhi, i zbuluar të enjten, është kapur nga konsorciumi ndërkombëtar që qëndron pas teleskopit Event Horizon – tetë radio teleskopë të sinkronizuar në mbarë botën.

I njohur si Shigjetari A*, objekti është katër milionë herë më i madh se masa e Diellit tonë.

Ajo që duket është një zonë e errët qendrore ku ndodhet vrima, e rrethuar nga drita që vjen nga gazi super i nxehtë i përshpejtuar nga forcat e pafundme gravitacionale.

Unaza është afërsisht sa madhësia e orbitës së Mërkurit rreth yllit tonë, me një gjerësi rreth 60 milionë km.

Për fat të mirë, ajo ndodhet shumë larg, rreth 26 000 vite dritë në distancë, kështu që nuk ka asnjë mundësi që të na kanoset ndonjë rrezik.

LEXONI GJITHASHTU:

• Astronautët kinezë kthehen në Tokë pas 183 ditësh në stacionin hapësinor
• Koreja e Veriut publikon një fotografi të pazakontë nga hapësira