Inaugurohet skulptura e Nënë Terezës në Australi

Australia e Jugut e ka nisur të hënën me inaugurimin e skulpturës së Nënë Terezës.

Vepra e artit realizuar nga Pjerin Kolnikaj u vendos në Adelaide.

Skulptori tha për “Mirëmëngjes” në Euronews Albania se nuk ka rëndësi sa ka punuar për realizimin e veprës, aq sa ka mikpritja që do të marrë nga komuniteti atje.

Tonin Pecaj, kryetari i Shoqatës Shqiptare Katolike “Nënë Tereza” në Adelaide u shpreh se skulptura e një prej figurave më të rëndësishme shqiptare është shumë domethënëse për komunitetin shqiptar në Australi. Ai tregoi se eventi i inaugurimit kishte shumë të ftuar dhe u realizua shumë bukur.

“Ne jemi e vetmja shoqatë e Nënë Terezës këtu në Australi dhe duke mbajtur emrin e saj ishte detyrë e jona që të bënim të mundur realizimin e trupores së Nënë Terezës që të lutemi para saj sa herë që na jepet rasti të kalojmë aty,” – tha Pecaj ndërsa sqaroi idenë e skulpturës.

LEXONI GJITHASHTU:

• 5 vjet nga dita kur Nënë Tereza iu bashkua shenjtorëve