Incident diplomatik Britani-Greqi, Sunak anulon takimin me Mitsotakis

Një incident diplomatik është verifikuar mes qeverisë britanike dhe asaj greke për shkak të skulpturave të Partenonit, që aktualisht ndodhen në Muzeun Britanik.

Kryeministri grek Qirjakos Mitsotakis do të takohej me homologun Rishi Sunak në Londër, por Doëning Street e anuloi takimin në minutën e fundit.

Kreu i qeverisë helene u shpreh “shumë i zhgënjyer” nga ky vendim i papritur dhe refuzoi një takim alternativ me zëvendës kryeministrin e Mbretërisë së Bashkuar.

Anulimi erdhi një ditë pasi Mitsotakis tha për BBC se skulpturat e lashta greke prej mermeri duhet t’i rikthehen Greqisë. Ai u shpreh se, mbajtja e një pjese të tyre në Londër dhe pjesës tjetër në Athinë ishte njësoj me ndarjen në dysh të Mona Lizës.

“Jam i zhgënjyer që takimi u anulua pak përpara kohës së caktuar. Ata që besojnë tek korrektesa dhe e drejta e posteve që mbajnë nuk hezitojnë kurrë të angazhohen në mënyrë konstruktive në një debat”, deklaroi Mitsotakis.

Kreu i qeverisë greke vlerësoi se Greqia dhe Britania kanë lidhje të vjetra miqësie dhe se qëllimi i takimit dypalësh ishte trajtimi i një sërë çështjeve.

“Qëndrimi ynë sa i takon skulpturave të lashta është i njohur. E kisha thënë se për këtë çështje do të angazhohesha në bisedime me kryeministrin britanik, sikurse për çështje të tjera me interes global si situata në Gaza, ajo në Ukrainë, kriza e klimës dhe emigracioni”, shtoi Mitsotakis.

LEXONI GJITHASHTU:

• Bullgaria hap hapësirën ajrore për vizitën e Sergei Lavrov në RMV
• Hapja e kufijve ajror për Lavrov, bojkotohet takimi i Shkupit