Inspektoriati Kombëtar i Mbrojtjes së Territorit ka zbarkuar sërish në Vlorë. Në fokusin e aksionit të kësaj të mërkure janë rreth 30 objekte të parashikuara për t’u shembur, me qëllim hapjen e rrugës për realizimin e projektit Lungomare 3. Këto objekte përfshijnë kryesisht bare, beach bare dhe restorante. Aksioni pritet të përfundojë brenda javës së ardhshme.

Sipas informacioneve, disa prej objekteve që janë pjesë e këtij aksioni janë shembur tashmë. Dhjetë objekte të tjera priten të çmontohen nga vetë administratorët e tyre, pasi ata iu janë përgjigjur thirrjes së autoriteteve.

Për disa objekte, nuk mund të ndërhyhet para datës 15 nëntor, pasi ata kanë marrë lejen deri në atë datë për të shfrytëzuar hapësirën publike për aktivitetin e biznesit. Pas kësaj date, kushdo që nuk do të çmontojë objektet do të ndërhyhet për t’i shembur ato.

LEXONI GJITHASHTU:

• Bici mori drejtimin e IKMT, kush është drejtuesja e re e Kadastrës
• IKMT nis aksion në Velipojë, prishen 11 objekte në pjesën e rërës