Inteligjenca e Kievit: Dronët ukrainas goditën fabrikën ruse të çelikut

Dronët ukrainas goditën dhe dëmtuan një fabrikë të madhe çeliku ruse gjatë natës, ka thënë një burim i inteligjencës së Kievit për Reuters.

Sipas mediave të huaja, burimi tha se sulmi kishte shkatërruar pjesërisht një “stacion oksigjeni” në Uzinën Metalurgjike Novolipetsk në rajonin e Lipetsk.

Kjo do të kishte një ndikim afatgjatë në punën e kompanisë, tha burimi.

Lajmi vjen pasi Reuters raportoi se Ukraina kishte goditur dy depo nafte në pronësi të Rosneft që përmbanin 26,000 metra kub karburant në rajonin e Smolensk në të njëjtën natë.

Kujtojmë se SHBA miratoi ndihmën prej 60.8 miliardë dollarësh për Ukrainën, e cila pritet ti japë një tjetër dimension luftimeve kundër Rusisë, e cila kishte përparuar gjatë muajve të fundit në fushën e betejës.

LEXONI GJITHASHTU:

• Von der Leyen: Rusia nuk është kërcënim vetëm për Ukrainën, por edhe për Evropën
• Dronët ukrainas sulmojnë rafinerinë ruse të naftës