Intensifikohen reshjet në Gjirokastër, reduktohen orët e procesit mësimor

Gjatë orëve të mesditës, zona e Gjirokastrës po përballet me rritje të intensitetit të reshjeve të shiut.

Për të evituar problematikat për orët në vijim, shkollat njoftuan reduktimin e kohëzgjatjes së procesit mësimor.

Ndërkohë, përsa i përket situatave të tjera, sipas grupit të emergjencës në rang Prefekture, stafet e OSHEE-së ndodhen në terren për të siguruar furnizimin me energji, duke përfshirë edhe zonat malore të Qarkut. Aktualisht, në Gjirokastër nuk ka bllokime të rrugëve kombëtare, ndërsa vijon qarkullimi në zonat malore.

LEXONI GJITHASHTU:

• Mot i keq në Elbasan, ndërprerje të energjisë elektrike në disa zona malore
• Parashikohen reshje intensive dhe rrezik për përmbytje, situata e qarqeve në vend