Mot i keq në Elbasan, ndërprerje të energjisë elektrike në disa zona malore

Pasi moti i keq goditi vendin tonë mëngjesin e sotëm, situata në qytetin e Elbasanit është paraqitur problematike në ndërprerejn e enerigjisë elektrike në disa zona malore.

Sipas raportimeve, ekipet e OSHEE-së ndodhen në qarkun e Elbasanit, të cilët po punojnë për riparimin e defekteve të evidentuara kryesisht në zonën e Orenjë, Lunik, Polis dhe Xhyrë (Librazhd), Skënderbegas (Gramsh) dhe Stravaj (Prrenjas).

Ndërkohë, furnizimi me energji në pjesën tjetër të qarkut paraqitet normal.

Strukturat e Emergjencave Civile të Prefekturës së Elbasanit bëjnë me dije se po monitorojnë në mënyrë të pandërprerë situatën meteorologjike dhe gjendjen e infrastrukturës, duke mbetur në gatishmëri për çdo zhvillim.

LEXONI GJITHASHTU:

• Parashikohen reshje intensive dhe rrezik për përmbytje, situata e qarqeve në vend
• Reshjet e shiut sjellin përmbytjet e para në Lezhë, uji bllokon hyrjet e pallateve