Interi pret Fiorentinën në “Meazza”, gara për kreun e Seria A ndizet edhe më shumë

Nga dita në ditë, kampionati italian bëhet edhe më interesant, ku diferencat mes ekipeve të kreut janë të vogla.

Napoli, Milan, Roma dhe Inter po luftojnë për vendin e parë, por gara është ende e gjatë, pasi aktualisht jemi vetëm në javën e nëntë të Serisë A.

Këtë të mërkurë luhen duele interesante, sidomos ai në “Meazza”, ku Interi vendës pret Fiorentinën.

Po ashtu, mbetet për t’u parë se si do të reagojë Juventusi pas largimit të Tudor, ndërsa ndeshja e parë pa kroatin është përballë Udineses në shtëpi. Vendi i dytë, që është edhe skuadra me mbrojtjen më të mirë të ligës, sfidohet nga Parma, që këtë sezon e ka nisur jo mirë kampionatin.

Zikaltrit e Christian Chivut dëshirojnë të afrohen edhe më tepër me Napolin që udhëheq garën, teksa diferenca është 6 pikë.

Në anën tjetër, Fiorentina po kalon një krizë të vërtetë rezultatesh dhe deri më tani, në 8 javë ka vetëm 4 pikë dhe qëndron në zonën e ftohtë.

Como, që mund të konsiderohet surpriza më e bukur e kampionatit italian, po afrohet akoma më tepër me zonën “Champions”, që do të ishte historike, dhe pasditen e së martës luan ndaj Veronës.

LEXONI GJITHASHTU:

• VIDEO/ Milani pa shkëlqim, Atalanta i ndal hapin kuqezinjve
• Zyrtare/ Spalletti trajner i Juventusit, zbulohet kontrata me “Zonjën e Vjetër”