Interi sfidon Barcelonën, katalanasit favoritë për kalimin në finalen e Champions

Një fitore në transfertë ndaj Barcelonës do të ishte historike për Interin, i cili asnjëherë më herët nuk ka mundur dot ta arrijë dicka të tillë në një ndeshje Championsi e në mbrëmje ka shansin. Një duel spektakolar pritet ai i kësaj të mërkure, një klasike e Evropës, me dy nga ekipet më interesante të sezonit, Barcelonën e cila beson te tripleta dhe Interin që ende krenohet me difensivën e vet.

Në letër favoritë absolutë janë spanjollët e arsyet tanimë dihen, fitues të Superkupës, të Kupës së Mbretit, por dhe për dominimin e jashtëzakonshëm në këtë kompeticion, në anën tjetër Interi humbi kupën, në kampionat është 3 pikë larg vendi të parë, e duket se Champions është shpëtimi i sezonit. Gjërat kanë ndryshuar shumë për të besuarit e Inzaghit, që deri pak ditë më parë ëndërronin tripletën, por shpresat u shuan nga rivalët e Milanit.

Ndaj Barcelonës gjithmonë ka rezultuar ndeshje spektakolare, e në ballafaqimin e fundit, Inter i mposhti katalanasit, por skuadrat kanë ndryshuar shumë nga ajo periudhë. Kjo e sotmja është përballja e 13-të mes tyre në Ligën e Kampionëve, ku spanjollët kanë 6 fitore, 2 Inter dhe 4 sfida të mbyllura në barazim. Uefa e ka vlerësuar maksimalisht këtë ndeshje, ku ka përzgjedhur si arbitër kryesor francezin, Clement Turpin.

LEXONI GJITHASHTU:

• Champions League, PSG dominon dhe fiton ndeshjen e parë ndaj Arsenalit në Londër
• Finalja e Kupës së Mbretit: Madrilenët gati për hakmarrje ndaj Barcelonës