Interi ka marrë fitoren e radhës në kampionatin italian, ndërsa e sheh veten 3 pikë para Napolit. Këta të fundit hodhën një hap fals, duke barazuar pa gola me Venecian.

Titulli duket se këtë sezon do të jetë i Interit, megjithatë është ende herët për të folur për klubin zikaltër, i cili mori një tjetër fitore të dielën. Skuadra e Simone Inzaghit përfitoi nga ndalesa e napolitanëve, madje duke fituar ndaj një kundërshtari vërtet të vështirë. Në Bergamo, vendësit nuk ishin në formën e tyre më të mirë, por nëse janë apo jo, Interi di se si të fitojë ndaj çdo ekipi italian. Një pjesë e parë pa gola, por me raste shënimi, e në të dytën Augusto solli avantazhin për ekipin nga Milano.

Tre minuta para fundit ishte Lautaro që dyfishoi, por Atalanta më herët ishte ndëshkuar me karton të kuq. Në limite, edhe Bastoni kishte të njëjtin fat si Ederson, duke lënë ekipin me 10 lojtarë, por nuk kishte më kohë.

Në mesditë, Napoli dështoi të fitojë ndaj Venecias edhe pse luajti shumë më mirë se kundërshtari, por në fund shifrat ishin të bardha 0-0. Juventus nuk di se si fitohet, humbja e dytë radhazi përkeqëson edhe më tej pozitat e skuadrës, por çuditërisht jo ato të Thiago Mottas, i cili vijon të jetë trajner. Fiorentina e ndëshkoi ekipin bardhezi 3-0, duke u afruar edhe më tepër me zonën europiane.

Të dielën, edhe Roma dhe Bologna morën 3 pikë të rëndësishme.

LEXONI GJITHASHTU:

• Barcelona perfekte në La Liga, blaugranët me 6 fitore radhazi
• Shtyhet dueli Osasuna-Barcelona, ndërron jetë mjeku i klubit blaugran