“Intimiduat SPAK-un”, debat mes Boçit dhe Lekës për sjelljen e opozitës

Gazetari Martin Leka e quajti intimidim të SPAK-ut protestën që opozita realizoi për masën e marrë kundër ish kryeministrit Sali Berisha. Ai ishte këtë të hënë i ftuar në “Now me Erla Mëhillin” ku ka debatuar me nënkryetarin e Partisë Demokratike Luçiano Boçin.

Ai tha se nëse opozita do e bënte këtë luftë për të mbrojtur lirinë, pse nuk protestoi edhe për shkeljet proceduriale për Lefter Kokën.

Pjesë nga debati në studio:

Martin Leka: Pse PD-ja që është në mbrojtje të lirisë nuk protestoi njëtrajtshmërish edhe për këtë rast? A jeni kundër SPAK dhe për mbrojtjen e të drejtave të njeriut?

Luçiano Boçi: Po të protestojë Partia Socialiste. Ne bëjme protestë për vendimet politike që godasin opozitën. Ne bëjmë protestë për të vendosur në vend të vërtetën dhe drejtësinë në raport me denoncimet dhe faktet e provat konkrete që kemi sjellë para publikut.

Martin Leka: Unë mendoj se opozita duhet të protestojë për çdo shkelje në këtë vend.

Luçiano Boçi: Nëse ju mendoni se opozita duhet të bëjë detyrën e qeverisë, shumë faleminderit që ti na orienton se ti mendon se ne duhet të jemi në pushtet, se kur nuk e bën dot qeveria duhet të reagojmë ne. Por në radhë të parë duhet të reagojë opinioni publik. Edhe ju duhet të reagoni. Edhe ju duhet të protestoni.

LEXONI GJITHASHTU:

• Boçi: SPAK hapi sot fushatën elektorale, dajre e re e Ramës
• “Detyrim paraqitje për Berishën”, Manjani komenton vendimin: Shpike inovatore…