“Introspeksion” në Galerinë e Artit, ekspozita e parë në Tiranë e artistit Milaqi

Në Galerinë e Artit Tiranë (GAT) është çelur ekspozita vetjake e artistit Toni Milaqi, “Introspection”.

Kjo ekspozitë vjen si një rrugëtim në kohë e periudha të ndryshme të jetës së artistit, në faza të ndryshme të krijimtarisë së tij, peizazhe urbane dhe rurale, autoportrete, portrete të rrethit të tij familjar, kompozime, me subjekt politik dhe spiritual.

Ekspozita e titulluar “Introspeksion”, ka si motiv qëndresën stoike kundër dhunës. I gjithë koncepti me të cilën janë realizuar punimet ka të bëjë me udhëtime brenda vetes për të njohur fillimisht vetveten e më pas nevojën botën, ambientin rrethues dhe të tjerët.

Me një karrierë 30-vjeçare, ai ka organizuar disa ekspozita personale nëpër botë, duke përfshirë “De la violence et d’autres demons” në Desmos Galerie, Paris; “The Sleep of Reason Produces Monsters” në Balkan Art Gallery, Astrolavos Gallery, Piraeus, dhe Dimokritos Gallery, Athinë.

LEXONI GJITHASHTU:

• Të afrohesh me natyrën| Ekspozita e fotografit Vincent Munier magjeps vizitorët
• “Fotografia që prek indet e qytetit”, 24-vjeçari nga Durrësi çel ekspozitë në Milano