Inxhinieri: Pallati që u dogj i ndërtuar me materiale jashtë standardeve

Gezim Beqaj, inxhinier ndërtimi tha në një intervistë për Euronews Albania se cilësia e materialeve që janë përdorur në ndërtimin e pallatit te “21 Dhjetori” i cili u përfshi nga flakët, janë jashtë standardeve.

Ai tregoi se materialet termoizoluese, si në rastin konkret polisteroli me të cilin ishte veshur fasada e pallatit në fjalë, duhet të jenë cilësore që të mos e mundësojnë përhapjen e flakëve në rast të një zjarri, por të vetëfiken.

“Cilësia e materialeve që përdoren në ndërtim, një nga kriteret që duhet të plotësojnë materialet për termoizolim duhet të përzgjidhen që të mos mundësojnë përhapen e zjarrit, pra zjarri të jetë i lokalizuar. Ka të bëjë me materiale që janë jashtë standardit. Materialet termike që janë përdorur e kanë përcjellë zjarrin duke u vetëdjegur. Nëse ka një shkëndijë elektrike duhet që materiali të vetëfiket. Mbase aty nuk është përzgjedhur materiali i duhur. Tek ne nuk bëhen kontrollet për standardet në ndërtim”, tha inxhinieri.

LEXONI GJITHASHTU:

• Totalisht i shkrumbuar, pamje nga kati i dhjetë i pallatit te “21 Dhjetori”
• Flet babai i banorit të pallatit: Këtu jeton nusja dhe fëmijët, djali është emigrant