Teherani ftoi Kievin të zhvillojë një takim të përbashkët ekspertësh për të hetuar raportet se dronët iranianë morën pjesë në luftën në Ukrainë, tha të enjten zëdhënësi i Ministrisë së Jashtme iraniane Nasser Kanani.

“Shprehjet emocionale dhe akuzat e pabaza nuk ndihmojnë në zgjidhjen e krizës ukrainase. Në vend që të bëjnë ankesa të pabaza kundër Iranit, autoritetet ukrainase duhet t’i përgjigjen propozimit tonë konstruktiv për të mbajtur një takim dypalësh ekspertësh për të shqyrtuar një dokument që pretendon se dronët iranianë janë përdorur në Ukrainë”, shtoi Kanani, raportoi TASS.

Në javët e fundit, Ukraina dhe vendet perëndimore kanë akuzuar Rusinë për përdorimin e dronëve kamikaze iraniane në sulmet ndaj infrastrukturës energjetike të Ukrainës, gjë që Moska dhe Teherani e refuzojnë.

LEXONI GJITHASHTU:

• Vuçiç flet për dronët mbi objektet ushtarake: Nuk do lejojmë spiunë
• Ushtria serbe rrëzon një dron komercial, neutralizimi u bë me pajisje elektronike
• Dronë nga Kosova vëzhguan objektet ushtarake, pretendon ministri serb