Ish-drejtori i Policisë Rrugore: Sot paguhem më shumë si shofer kamioni

Ish-drejtori i Policisë Rrugore, Krenar Ahmeti thotë se punonjësit e policisë në vendin tonë janë të keqpaguar.

Në emisionin “Mirëmëngjes” në “Euronews Albania”, Ahmeti u shpreh se është shumë i kënaqur me punën që bën në sektorin privat, si shofer kamioni.

Sipas tij, nëse sot do ishte komisar në Policinë e Shtetit, do merrte një pagë ditore prej 20 mijë lekësh të vjetra, që për të nuk mjafton.

“Shyqyr që nuk jam sepse në Policinë e Shtetit unë si komisar do merrja 20 mijë lekë të vjetra në ditë. Familjen time nuk e mbaj dot. Ai që të thotë se me rrogën e një komisari mban një familje prej 5 vetash, të gënjen. Janë të keqpaguar. Duke qenë i lirë unë arrij ta mbaj familjen time. Paguhem më shumë duke punuar shofer kamioni”, tha ai.

LEXONI GJITHASHTU

• Ahmeti: Punonjësit e policisë ngrenë pika kontrolli në zona të rrezikshme
• Rreth 93 mijë gjoba për parkim të gabuar në 3 muajt e parë të vitit 2022