Ish-drejtuesit e UÇK-së mund të gjykohen në tetor, thotë Baton Haxhiu

Ish-drejtuesit e Ushtrisë Çlirimtare të Kosovës po mbahen në paraburgim në Hagë prej 15 muajsh.

Baton Haxhiu ka zhvilluar takime në Hagë me Kadri Veselin dhe Hashim Thaçin këtë fundjavë.

Në emisionin “Shock” në Euronews Albania, ai tha se gjykimi i tyre në Hagë mund të fillojë në tetor, por se fillimi i procedurës është zgjatur më shumë se duhet.

“Zgjatja e fillimit të këtij gjykimi është më e zgjatura deri tani në Gjykatën Ndërkombëtare të Hagës”, u shpreh ai.

Ai shtroi pyetjen se pse nuk po hetohen në liri në vendin e tyre, ose në ndonjë vend të tretë që mund të dalë garant.

Bazuar në zgjatjen e fillimit të gjykimit dhe hetimin për një kohë shumë gjatë, Andi Bushati shtroi pyetjen nëse është e drejtë drejtësia e ndërkombëtarëve.

“Po kjo drejtësia që i mban 1 vit e gjysmë në burg Veselin e Thaçin, a është detyrimisht e duhur? A bëri mirë Kosova që e votoi në parlamentin e saj këtë gjykatë speciale? A bëmë ne mirë që votuam si dele reformën tonë në drejtësi?”, tha Bushati.

“Kjo gjykatë njësoj si reforma jonë në drejtësi ka padronë në BE dhe në DASH”, shtoi ai.

LEXONI GJTHASHTU:

• Andi Bushati: Rama shet e blen këdo, kërkon debat artificial për SPAK