Ish-kandidatja: Paratë për vota, gjëja më skandaloze që kam parë

Këshilltarja e biznesit Matilda Gjini, e cila ka qenë kandidate në zgjedhjet e 2021 tha se gjëja më skandaloze që ka parë në Shqipëri ishte blerja e votës.

E ftuar në emisionin “Good Morning Albanias” në Euronews Albania, u shpreh partitë politike u jepnin para familjeve për të marrë vota.

“Gjëja më skandaloze ishte që njerëzit paguanin për vota. Kam pa raste që jepnin para dhe familja premtonte se do e jepnin votën për atë parti”-deklaroi Gjini.

Më tej shtoi se nuk kishte pritshmëri të larta nga zgjedhjet, pasi kishin shumë pak kohë për fushatë.

“Unë kur erdha nuk erdha për t’u bërë direkt deputete.  Nuk kisha pritshmëri shumë të larta sepse kishim krijuar partinë 6 muaj para fushatës, por prisja të na jepej më shumë vëmendje, sepse ishim një grup i mrekullueshëm. Kishim të rinj nga Londra e vende të tjera që ishin gati të vinin në Shqipëri dhe të kontribuonin”- shprehet ajo.

LEXONI GJITHASHTU: 

• Ish-kandidatja: Zhgënjyese që në Shqipëri nuk i jepet besim të rinjve
• Këshilltarja e biznesit tregon arsyet pse Dubai ka marrë imazh negativ në Shqipëri