Turqia, bllokimi i Rusisë për në Detin e Zi, sipas ish-Komandantit Meçollari

Rusia do të ketë shumë pasoja nëse pushton Ukrainën, kryesisht në trafikun detar ku do u bllokohet kalimi anijeve tregtare ruse.

Rusisë mund t’i ndalohet hyrja jo vetëm nga daljet në oqeanin Atlantik që kontrollohen nga NATO, por edhe në Detin e Zi.

Kështu sqaroi Ish-Komandanti i forcave detare Artur Meçollari në emisionin Sot.

Turqia do të jetë faktor për të ndaluar daljen e Rusisë në Detin e Zi, ku kalimi bëhet përmes ngushticës së Bosforit.

Kjo ngushticë kontrollohet nga Turqia që prej vitit 1936, ku u firmos konventa e Montrosë, pjesë e të cilës janë 12 vende.

Kjo konventë ka për qëllim sigurimin detar në Detin e Zi, pasi ka kufizime për vendet që nuk janë pjesë, përfshi Rusinë.

“Rusia ka tre mundësi për të dalë në oqeanin atlantik me anije tregtare, deti i veriut, ngushtica e Danimarkës që kontrollohet nga NATO dhe ngushtica turke e Bosforit”, tha Meçollari.

Ngushtica e Bosforit mund të bllokojë hyrjen e Rusisë në Detin e Zi, pasi vetë presidenti turk ka deklaruar mbështetjen për Ukrainën.