Ish-kryebashkiaku i Kavajës shpall kandidaturën për primaret në PD

Ish-kryebashkiaku i Kavajës, Isa Sakja ka shpallur kandidaturën për të garuar në procesin e primareve në Partinë Demokratike.

Përmes një postimi në rrjetet sociale, Sakja u shpreh se pas konsultimeve me demokratët e Kavajës, vendosi që të kandidojë.

Askush nga ne nuk mund ta durojë më këtë bllokim të demokracisë si të ngecur në një trafik që nuk lëviz më nga kapaciteti i ulët qeverisës, nga babëzia e madhe e qeveritarëve për të marrë gjithçka për vehten dhe një grup të vogël oligarkësh që i rrethon. Zgjedhjet konkuruese prodhojne demokraci. E gjithë jeta është përpjekje për të realizuar një qëllim, e vetmja zgjedhje që ne mund të bëjmë është të zgjedhim qëllimin e drejtë”, theksoi ndër të tjera Sakja në Facebook.

Deri më 6 nëntor të gjithë kandidatët që do marrin pjesë në primaret e brendshme të Partisë Demokratike duhet të kenë dorëzuar dokumentacionin.

Kur kanë mbetur edhe 7 ditë nga mbyllja e këtij afati, deri më tani vetëm 2 kandidatë janë regjistruar për të marrë pjesë në primaret e 4 dhjetorit.

Belind Këlliçi dhe Gerti Bogdani shpalosën ambicien e tyre për të qenë kandidatë të opozitës në garën për bashkinë e tyre.

LEXONI GJITHASHTU

• Zgjedhjet lokale, emrat e kandidatëve të mundshëm për primaret e PD-së
• Gara për Tiranën brenda PD, në pritje për konfirmim Julian Deda dhe Ilir Alimehmeti
• Berisha kërkon largimin përfundimtar të Ramës