Procesi i gjykimit ndaj ish-kryeprokurori Adriatik Llalla do të rinisë nga e para

Përfundon seanca ndaj ish-kryeprokurorit Adriatik Llalla në Gjykatën e Posaçme, ku u pranua kërkesa e tij për revokim për gjykim të shkurtuar.

Në seancën e sotme kryeprokurori Llalla u shpreh se do ta ndjekë deri në fund çështjen, ku akuzohet për fshehje të pasurisë, e cila pritet që të rinis nga e para.

“Besoj se gjykata do dal me një vendim”, u shpreh kryeprokurori.

Pritet që seanca e radhës të zhvillohet më 20 prill ora 09:00

SPAK kërkoi 2 vite burg për Adriatik Llallën për mos-deklarim dhe fshehje pasurie.

Më konkretisht, bëhet fjalë për mosdeklarimin e saktë nga Llalla të shpenzimeve për shkollimin e një prej fëmijëve jashtë vendit, për të cilën ai ka marrë gjobë nga Inspektorati i Lartë i Deklarimit dhe Kontrollit të Pasurisë.

Përveç dënimit me burg, SPAK kërkoi edhe përjashtimin me 5 vite të Adriatik Llallës nga funksionet publike.

Ishte Llalla ai që pak kohë më parë ka bërë rekurs në Gjykatën e Lartë dhe kërkonte të gjykohej nga togat e zeza të Tiranës siç vendosi edhe gjykata e shkallës së parë, vendim ky që u prish nga Gjykata e Apelit.

Lexoni gjithashtu:

SPAK kërkon 2 vite burg për ish-kryeprokurorin Adriatik Llalla

GJKKO pranon kërkesën e Adriatik Llallës për gjykim të shkurtuar