Ish-ministrja e Financave, Denaj: Vijmë nga një recesion me -4%, ekonomia në rritje

Viti 2022 do të jetë viti i konsolidimit të rimëkëmbjes ekonomike në vend, rimëkëmbje që ka nisur që në 2021, sipas deputetes së Partisë Socialiste Anila Denaj, e cila ka qenë ministre e Financave.

“Shifrat për rritje ekonomike janë pozitive, parashikohet për vitin 2021 një përfundim me rritje ekonomike 7.6%”, u shpreh znj. Denaj.

Në studion e “Now”, ajo tha se vendi vjen nga një recension i cili në vitin e kaluar pati rënie me -4%.

Sipas deputetes së PS-së, vendi do të ketë rritje ekonomike për shkak të rritjes së konsumit, që do të ndikojë te qytetarët.

Sektorët aktivë ku do të ketë më shumë rritje ekonomike është Arsimi, Shëndetësia dhe Infrasktruktura.

Punonjësit e sektorit të Arsimit dhe Shëndetësisë do të kenë edhe rritje pagash me 6% vitin që vjen, tha ish-ministrja.

LEXONI GJITHASHTU:

• Selami Xhepa: Kriza e çmimeve mund të sjellë skenarin ekonomik më i zi që nga vitet ’80