Një mesazh i ndjerë nga mamaja e 14-vjeçarit të vrarë është lexuar në protestën para Ministrisë së Arsimit. Në pamundësi për të qenë e pranishme vetë aty një nga protestueset ka lexuar mesazhin e saj.
E ëma shpreh dhimbjen e madhe që ka lënë në familje ngjarje e rëndë dhe falenderon të gjithë shqiptarët për mbështetjen.
“Nuk mendoj që ka fjalë që e përshkruan këtë dhimbje që na ka lënë pas një boshllëk që nuk do mbushet kurrë. Falenderoj të gjithë popullin shqiptar dhe FSHF për praninë dhe mbështetjen në këto momente të vështira. Nuk e di sa mirënjohëse jam për të gjithë ato që iu gjenden pranë Martinit në momentet e tij të fundit.
Nuk mendoj që ka fjalë që e përshkruan dhimbjen. I falenderoj të gjithë nga zemra. Martini ishte i mbushur me ëndrra e jetë. Ia morën të dyja. Uroj që askush të mos e provojë. Respekte Florina dhe Angel Cani”, thuhej në mesazh.
14-vjeçari u vra nga një bashkëmoshatar i tij, gjatë një konflikti me thikë në ambientet e jashtme pranë shkollës 9-vjeçare “Fan Noli”.
Dhjetëra prindër dhe fëmijë u bashkuan në protestën e kësaj të enjteje, ku kërkuan më shumë siguri në shkolla.
LEXONI GJITHASHTU:
- Vrasja e 14-vjeçarit, prindërit me lot në sy protestojnë te shkolla “Fan Noli”
- “Djali ka 3 ditë që nuk fle”- Prindër te “Fan Noli” përkujtojnë 14-vjeçarin e vrarë
