Itali, gjendet i vdekur 300 m larg makinës shqiptari i tretë, e kërkoi e dashura

Ka marrë përmasa tragjike aksidenti që ndodhi mbrëmjen e së shtunës në Itali ku humbën jetën shqiptarët Marian Kola, 23 vjeç dhe Blerim Miha, 27 vjeç, si dhe u plagos 28-vjeçari Enrik Nikolla, të gjithë nga Lezha.

Shqiptari i katërt në bordin e BMW-së së vjedhur e cila u përmbys pranë komunës së Segnit në km 52,500 në drejtim të Anagni-Colleferro u gjet i pajetë, 300 metra larg vendit të aksidentit që ndodhi mbrëmjen e së shtunës në via Casilina.

Mediat italiane shkruajnë se ai është një shqiptar 33-vjeçar, bashkatdhetar i tre të tjerëve që ishin me të, prej të cilëve vetëm njëri shpëtoi dhe u shtrua në spitalin Colleferro.

Trupi i tij u gjet falë denoncimit të bërë nga një grua e cila i tha policisë se nuk kishte më lajme për partnerin e saj, në shoqërinë e viktimave të aksidentit.

LEXONI GJITHASHTU:

• EMRI| Aksidenti me 2 viktima në Itali, kush është 23-vjeçari shqiptar që humbi jetën
• E rëndë| Dy shqiptarë humbin jetën në makinën e vjedhur në Itali,1 tjetër i plagosur