Italia operacion me Shqipërinë, nga Tirana u vodhën miliona euro përmes call center

Policia italiane ka zhvilluar një operacion të përbashkët me Strukturën e Posaçme (SPAK), në fushën e mashtrimeve me kriptovalutë përmes bursës fiktive online.

Prokuroria e Pordenone ka lëshuar tre masa ndalimi dhe pesë kontrolle e inspektime në territorin shqiptar.

Teknikat komplekse tradicionale dhe të hetimit kibernetik kanë nxjerrë në dritë një skemë kriminale veçanërisht komplekse, e cila përfshinte pastrimin e shumave të vjedhura në vende të ndryshme anëtare të BE-së, përfshirë Qipron, Lituaninë, Estoninë, Holandën dhe Gjermaninë, dhe shndërrimin e tyre në kripto-valuta.

Masat paraprake dhe dekretet e kontrollit u kryen ndaj shtetasve shqiptarë, të gjithë banues në Tiranë dhe pjesë e një organizate që dyshohet se ka mashtruar disa qindra shtetas italianë.

Shuma e mashtrimit është disa milionë euro, por kjo mund të jetë vetëm maja e ajsbergut; vetëm pas analizës së sistemeve kompjuterike të sekuestruara, do të mund të përcaktohen shumat reale.

Në rrjedhën e më shumë se 42,000 përgjimeve telefonike të kryera nga hetuesit italianë, u zbulua se sa të aftë ishin mashtruesit në përdorimin e teknikave reale të bindjes dhe plagjiaturës, deri në atë pikë sa i bindnin viktimat të merrnin borxhe dhe të paguanin me kalimin e kohës disa qindra mijëra euro.

Nga hetimet telematike u zbuluan rreth 90 mijë kontakte telefonike të shtetasve italianë, për përdorim të operatorëve call center.

Si rezultat i aktivitetit, në Tiranë u sekuestruan dy call center dhe 60 kompjutera.

Në të njëjtën kohë, në Itali u sekuestrua edhe serveri i përdorur nga organizata për të mbuluar gjurmët e saj kompjuterike dhe për të penguar hetimet.

LEXONI GJITHASHTU

• Nga trashëgimtarja e pasur tek mbretëresha e kriptomonedhave, 3 mashtrueset e epokës
• Interpol lëshon sinjalin e kuq për bosin e kriptomonedhave, si u zhduk pa gjurmë
• ‘Mashtrim kripto’, tre persona dëmtojnë thesarin francez