Izraeli dorëzon trupat e 45 palestinezëve pasi Hamasi ktheu mbetjet e 3 ushtarëve

Ushtria Izraeli të hënën dorëzoi trupat e 45 palestinezëve, thanë zyrtarët e shëndetësisë në Gaza, një ditë pasi Hamasi ktheu trupat e tre pengjeve, ku zyrtarët izraelitë i identifikuan të tre si ushtarë që u vranë në sulmin e udhëhequr nga Hamasi.

Sipas raportimeve, shkëmbimi shënoi një hap tjetër të rëndësishëm për armëpushimin e ndërmjetësuar nga SHBA-ja në luftën dyvjeçare, lufta më vdekjeprurëse dhe më shkatërruese e zhvilluar ndonjëherë midis Izraelit dhe grupit militant Hamas.

Që kur armëpushimi hyri në fuqi më 10 tetor, militantët palestinezë kanë kthyer trupat e 20 pengjeve, tetë prej të cilëve ende mbeten në Gaza.

Për çdo peng të kthyer, Izraeli ka liruar trupat e 15 palestinezëve. Kthimi i të hënës e çoi numrin e trupave palestinezë të kthyer që nga fillimi i armëpushimit në 270.

LEXONI GJITHASHTU:

• Sulmet ajrore izraelite godasin Gazën, 2 palestinezë të vrarë në Bregun Perëndimor
• Izraeli kërcënon se do të shtojë sulmet kundër Hezbollahut në Liban