“Izraeli i ka të gjitha mundësitë për t’i kursyer civilët”, Deliu: I shërben Iranit

Deputeti i Partisë Socialiste, Denis Deliu tha në një intervistë për “Review” në Euronews Albania se veprimet e Izraelit nuk janë veprimet e një shteti të rregullt demokratik.

Sipas tij shteti i Izraelit i ka të gjitha mundësitë që të kryejë operacionet kundra grupit terrorist të Hamasit duke ruajtur civilët.

“Sot ministri i Mbrojtjes së Izraelit ka raportuar dhe për mënyrën apo nivelet që ata do të përdorin për të nisur sulmin në Gazë. Unë mendoj që është një situatë jo e mirë, që i shërben shteteve që janë kundra NATO-s, kundra vendeve perëndimore, i shërben kryesisht Rusisë, kryesisht Iranit, Kinës, të cilat nuk janë të përfshira drejtpërdrejtë, ndërkohë që vëmendja e Shteteve të Bashkuara të Amerikës dhe vëmendja e shteteve perëndimore nuk është më fokusi te lufta në Ukrainë,” – tha Deliu, edhe në cilësinë e ekspertit të sigurisë.

LEXONI GJITHASHTU:

• Hoxha tregon rastin e kamerave nga Izrali: Drogën e kontrollonin nga ‘Blloku’
• Palestinezi: Gaza ka nevojë për mbështetje, është vetëm, të gjithë janë me Izraelin